ថ្នាក់សិក្សាសេរ៉ាមិច & សកម្មភាពប្រចាំថ្ងៃ

Ceramics Pottery Classes

Mordock Ceramics, run by Kampong Chhnang's most famous local Cambodian potter Mr. Son Seyhak, is a wonderful place to learn the art of Khmer pottery. About 4500 years older than the Angkor temples, this art form can be learnt for just $20. Stop by on your way to the road 60m, Include Fair Trade Association or spend half a day learning about Khmer pottery designs, carving and glazing.

មរតកសេរ៉ាមិចគ្រប់គ្រងដោយជាងស្មូនខ្មែរក្នុងស្រុកកំពង់ឆ្នាំងគឺលោកសុន​ សីហាក់ គឺជាកន្លែងដ៏អស្ចារ្យមួយដើម្បីរៀនសិល្បៈនៃគ្រឿងស្មូនខ្មែរ។ មានអាយុកាលចំណាស់ជាងប្រាសាទអង្គរវត្តប្រហែល ៤៥០០ ឆ្នាំទម្រង់សិល្បៈនេះអាចរៀនបានត្រឹមតែ ២០ ដុល្លារប៉ុណ្ណោះ។ សូមឈប់នៅតាមផ្លូវ ៦០ ម៉ែត្រនៅក្នុងសមាគមហ្វាត្រេតឬចំណាយពេលកន្លះថ្ងៃដើម្បីរៀនអំពីការរចនាគ្រឿងស្មូនខ្មែរឆ្លាក់និងឆ្លាក់។

Ceramics

ការធ្វើកុលាលភាជន៍ គឺត្រូវប្រើដីឥដ្ឋ ហើយដីឥដ្ឋដែលយើងប្រើគឺយកមកពីខេត្តកំពង់ឆ្នាំងនិងស្រុកបន្ទាយស្រីនៃខេត្តសៀមរាប មិនតែប៉ុណ្ណោះក៏មានការទិញវត្ថុធាតុដើមពីប្រទេសជិតខាង(ប្រទេសថៃ)ដូចជា ទឹកថ្នាំ និងដីឥដ្ឋផងដែរ​ លក្ខណៈខុសគ្នា រវាងវត្ថុធាតុដើមដែលយើងមានស្រាប់និងវត្ថុធាតុដើមដែរយើងទិញមកពីប្រទេសជិតខាង​គឺវត្ថុធាតុដើមក្នុងស្រុកចំណាយទុន តិចតែចំណាយពេលវេលាច្រើនជាង រីឯវត្ថុធាតុដើមក្រៅស្រុក ចំណាយទុនច្រើនតែ ងាយស្រួយក្នុងការផលិត ងាយស្រួលរក​ និងចំណាយពេលតិចបើប្រៀបធៀបរវាងវត្ថុធាតុដើមទាំងពីរគឺមានគុណភាពល្អដូចគ្នា។

ចំពោះដំណើរការក្នុងការផលិតមាន៥ដំណាក់កាលធំៗដូចជា

            -ដំណាក់កាល១

-ការរៀបចំដី  ​ ដំបូងយើងត្រូវយកដីដែលមានស្រាប់ដាក់ត្រាំក្នុងទឹកនិង បំបែកអោយម៉ត់ រ៉ែងយកគ្រួសនិងប្ញសឈើចេញអោយស្អាតនិងត្រូវពិនិត្យមើលថាដីមានលក្ខណៈម៉ត់ល្អឬនៅបើសិនជាល្អហើយយកដីដែលបានធ្វើហើយមកហាលបង្ហាប់ដីអោយមានកំហាប់ស្មើ នឹង​ សណើមល្មមសំរាប់ទុកស្មូន។

            ២)ការស្មូន

            - ជាដំបូងត្រូវយកដីដែលហាលហើយនោះមកប៉ន់បង្ហាប់ដីអោយមានកំហាប់ស្មើសាច់ល្អមិនរឹង​ នឹង មិនជ្រាយពេកហើយធ្វើការបែងចែកជាដុំតូចធំទៅតាមប្រភេទផលិតផល​ដែលយើងចង់ធ្វើ បន្ទាប់មកយកដីដែលបានចែកជាដុំនេះយកមកស្មូន។ ការស្មូនគឺយើងត្រូវប្រើជើងដើម្បីបង្វិលឧបករណ៏ស្មូនរីឯដៃត្រូវប្រើសម្រាប់ទប់ដីដែលកំពុងតែវិល ហើយត្រូវដាក់ទឹកបន្តិចម្តងៗដើម្បីកុំអោយដីស្អិតជាប់នឹងដៃក្រោយធ្វើចេញជារូបរាងហើយយកវាទុកហាលនៅក្នុងម្លប់កុំអោយត្រូវថ្ងៃរយៈពេលមួយយប់ឬ១២ម៉ោងតែកុំអោយស្ងួតពេក ។បន្ទាប់មកយកវាមកស្មូនម្តងទៀតតែម្តងនេះយើងមិនដាក់ទឹកទេគ្រាន់តែយើងកាត់ដីនៅខាងៗនិងសម្អាតនៅក្នុងអោយរាបស្មើរនិងកែរទំហំខ្លះៗនិងធ្វើអោយមានរាងរលោងជាងមុន ហើយយកវាទៅរក្សាទុកក្នុងថង់មួយយប់ទៀតទើបយកមករចនាជាក្បាច់ផ្សេងៗតាមរចនាបថពីបុរាណ។សម្រាប់កុលាលភាជន៍ខ្លះគឺមានភាពលំបាកខ្លាំងហើយចំណាយពេលនិងថវិការច្រើនក្នុងការផលិតទើបតម្រូវអោយយើងត្រូវប្តូរពីស្មូនទៅជាការចាក់ដោយពុម្ពវិញហើយការចាក់ពុម្ពគឺត្រូវលាយដីដែលយើងធ្វើហើយមកលាយជាមួយទឹកអោយរាវល្មមហើយយកមកចាក់ក្នុងពុម្ពទុករយៈពេល១៥នាទីបានយើងបកពុម្ពចេញនិងកាត់ដីខ្លះៗចេញពីរបស់ដែលយើងធ្វើបន្ទាប់មកយកវាដាក់ហាលក្នុងម្លប់បានមួយយប់យកមកស្មូននិងសម្អាតវាអោយស្អាតនិងអោយរលោងបន្ទាប់មកដាក់ក្នុងថង់ទុកមួយឡែក។

៣)ការឆ្លាក់​ និងគូសក្បាច់

បន្ទាប់ពីរក្សាទុកមួយយប់ហើយរបស់ខ្លះត្រូវការឆ្លាក់ជាក្បាច់ហើយបន្ទាប់មកបានយកវាមកបិតដៃ

គូសនិងរចនាជាម៉ូតផ្សេងៗ(សំរាប់កែវ​ ឆ្នាំង​ ថូ​)ចំណែករបស់ខ្លះគឺគ្រាន់តែបិតដៃ​ ក​ ឬត្រចៀកតិចតួចបន្ទាប់មកហាលឲ្យស្ងួត(រយៈពេល៥ថ្ងៃ ទៅ២អាទិត្យ)ទើបយកទៅដុតបន្ត

៤.ការដុត(បែងចែកជា2ដំណាក់កាល)

​         -ដំណាក់កាលទី1ការដុតក្នុងឡអុស​

បន្ទាប់ពីហាលស្ងួតល្អហើយយកវាមករៀបចំដាក់ចូលក្នុងឡអុសតាមលំដាប់លំដោយដើម្បីដុត។យើងត្រូវប្រើអុសដើម្បីដុតហើយត្រូវចំណាយពេល១២ម៉ោង និងប្រើកំដៅចាប់ពី៩០០អង្សាដល់១០០០អង្សាដើម្បីអោយឆ្អិនល្អនិងចេញជាពណ៌ធម្មជាតិ។ បន្ទាប់ពីដុតបាន១២ម៉ោងហើយគឺយើងត្រូវទុកអោយត្រជាក់បន្ទាប់មកយកវាមកដុសខាត់អោយស្អាត។

       -ដំណាក់កាលទី2ការដុត​ ទឹកថ្នាំ

មុននឹងចូលដល់ការដុតដំណាក់កាលទី2គឺយើងត្រូវលាយទឹកថ្នាំសំរាប់ជ្រលក់ដើម្បីដុតអោយចេញពណ៌ស្អាត។ការលាយពណ៌ម្តនិងការប្រើប្រាស់ពណ៌គឺយើងប្រើពណ៌ធម្មជាតិនិងម្សៅពណ៌ជាផលិតផលសំរេច។ចំពោះពណ៌ធម្មជាតិយើងយកផេះមកត្រាំទឹករួចយកហើយយកមកលាបពីលើរបស់ដែលដុតរួចពីដំណាក់កាលទី1ចំណែកផលិតផលសំរេចគឺត្រូវយកម្សៅពណ៌មកលាយជាមួយទឹកអោយល្មមហើយលាបពីលើតែម្ដង។

បន្ទាប់លាបពណ៌រួចយើងត្រូវរៀបចូលទៅក្នុងឡហ្គាសតាមលំដាប់លំដោយ

ដុតក្នុងកំដៅ១៥០០អង្សា និងរយៈពេល១២ម៉ោងហើយយកចេញមកសំអាតជាការស្រេច។

ក្បាច់ដែលយកមកប្រើគឺយកតាមលំនាំរចនាបថចាស់ៗ​ដែលបានស្រាវជ្រាវពីឯកសារនានាហើយក្បាច់ដែលពេញនិយមជាងគេគឺ​ ក្បាច់ដំរី ក្បាច់ផ្កាចន្ទ-ល-។ដោយសារតែក្បាច់ដំរីមានការគាំទ្រច្រើនទើបត្រូវប្រើក្បាច់នេះដើម្បីផលិតអោយបានច្រើនជាងគេដូចជា ចាន​ កែវ ថូ​ ជាដើម។ខេត្តដែលមានការផលិត​ច្រើនជាងគេគឺ ខេត្ត​កំពងឆ្នាំង និង សៀមរាប។ ប្រជាជនកម្ពុជាច្រើនតែប្រើប្រាស់សំភារៈក្នុងផ្ទះដូចជា ចាន កែវ ថូ ឆ្នាំង មិនតែប៉ុណ្ណោះថែមទាំងប្រើជាវត្ថុតាំងជាគ្រឿងលំអរ និងតុបតែងនៅក្នងផ្ទះ ហាង និងសណ្ឋាគារជាដើម ។  ដែលវាក៏អាចបញ្ជាក់និងបង្ហាញពី ប្រពៃណី ជីវភាពរស់នៅប្រចាំ​ និង​ ទំនៀមទំលាប់របស់ជាតិ សាសនា អារ្យធម៌ និងមានអត្ថន័យបង្ហាញពីវប្បធម៌រស់នៅប្រចាំថ្ងៃរបស់ជនជាតិយើង។